ملتان (سپیشل رپورٹر) پیپلزپارٹی کے چیئرمین بلاول بھٹو زرداری کا طیارہ خراب ہو گیا جسے ہنگامی طور پر ملتان ائیرپورٹ اتار لیا گیا۔ طیارے کو خرابی کے بعد روانہ کر دیا گیا۔ بلاول بھٹو زرداری کراچی سے اسلام آباد نجی طیارے کے ذریعے جا رہے تھے۔ سہ پہر 3 بجے کے قریب انجن کا پریشر لیک ہوگیا جس پر نجی طیارے کو ہنگامی طور پر ملتان ائیر پورٹ پر ہی اتار لیا گیا۔ طیارے میں خرابی کے باعث بلاول کے ساتھ اس موقع پر سندھ کے صوبائی وزراء سعید غنی اور ناصر شاہ بھی تھے۔ بلاول بھٹو زرداری بائی روڈ ہی اسلام آباد روانہ ہوگئے۔ ان کیلئے گاڑیوں کا سکواڈ بلاول ہائوس ملتان اور گیلانی ہائوس سے پہنچا جبکہ طیارے کو بھی رات گئے ٹھیک ہونے کے بعد اسلام آباد روانہ کر دیا گیا۔
بلاول طیارہ