اسلام آباد (نوائے وقت رپورٹ) وفاقی وزیر ہوا بازی غلام سررو خان نے کہا ہے  کہ وزیراعظم کی ہدایت پر پی آئی اے نے بیرون ممالک میں پھنسے پاکستانیوں کی واپسی کیلئے خصوصی انتظامات کر لئے۔ فلائٹ آپریشن آج پیر سے شروع ہوگا۔ وفاقی وزیر غلام سرور خان کا کہنا تھا کہ پی آئی اے خصوصی طورپر 18 پروازیں چلائے گا۔ فلائٹ آپریشن کے ذریعے مختلف ممالک میں پھنسے پاکستانیوں کی واپسی ممکن ہوگی۔ انہوں نے کہا کہ آپریشن آج سے شروع ہوگا۔ اوور بکنگ کرنے والی ایئرلائنز کے خلاف کارروائی کی جا رہی ہے۔