نابلوس میں اسرائیلی فوج کی فائرنگ سے فلسطینی شہید‘ 3 زخمی
غزہ (آئی این پی) اسرائیلی جنگی طیاروں نے غزہ کے علاقے میں ایک بار پھر فضائی بمباری کی جس میں ایک عمارت کو نشانہ بنایا گیا۔ عالمی خبر رساں ادارے کے مطابق رات گئے اسرائیلی لڑاکا طیاروں نے غزہ میں حماس کے دفاتر پر بمباری کی۔ بمباری میں جانی نقصان نہیں ہوا تاہم سیز فائر کے بعد سے یہ اسرائیل کا چوتھا فضائی حملہ ہے۔ جس کے لیے ہر بار اسرائیل نے آتش گیر غباروں کا بہانہ بنایا ہے۔ تاہم ایک بار بھی ثبوت پیش نہ کر سکا۔ دوسری جانب مغربی کنارے کے شہر نابلس کے ایک گائوں میں اسرائیلی پولیس اور یہودی آباد کار کی فائرنگ سے ایک فلسطینی نوجوان شہید اور3 زخمی ہوگئے۔ زخمیوں میں سے ایک کی حالت نازک بتائی جا رہی ہے۔
