لاہور (سپورٹس رپورٹر)قومی جونیئرہاکی ٹیم کی جونیئرورلڈکپ تیاری کے سلسلہ میں پی ایچ ایف کے زیراہتمام چار ٹیموں پر مشتمل ہاکی سیریز10تا18جولائی لاہور میں ہوگی ایونٹ آفیشلز کا اعلان کردیا گیا۔ لیفٹیننٹ کرنل ر آصف نازکھوکھر ایونٹ کے ٹورنامنٹ ڈائریکٹر تعینات، ایف آئی ایچ امپائرز منیجر راشد بٹ امپائرز منیجرکے فرائض سرانجام دیں گے، پی ایچ ایف کے ٹیکنیکل آفیشلز اور امپائرز سیریز میں اپنی پیشہ ورانہ ذمہ داریاں سرانجام دینگے۔ نیشنل ہاکی سٹیڈیم لاہور میں چار ٹیموں پر مشتمل یہ ہاکی سیریز لیگ بنیاد پر کھیل جائیگی۔ ٹیکنیکل آفیشلز پینل میں سید علی عباس، محمد نعیم اور شفقت ملک جبکہ امپائرز پینل میں حافظ عاطف ملک، یاسر خورشید اور سید سبطین رضا شامل ہیں۔ آصف ناز ایونٹ آفیشلز کیساتھ 9 جولائی 4 بجے شام  میٹنگ کرینگے جبکہ ٹیموں کے آفیشلز کیساتھ میٹنگ 9 جولائی شام 5 بجے ہو گی۔