حافظ آباد (نمائندہ نوائے وقت) پشاور سے کراچی جانے والی رحمان بابا ایکسپریس حافظ آباد میں حادثہ کا شکار ہو گئی۔ خانپورہ میں لیویز پولیس کی گاڑی ٹرین سے ٹکرا گئی۔ پولیس ذرائع کے نطابق لیویز پولیس کی گاڑی میں بلوچستان کے ایم پی اے نعمت اللہ زاہری کا پی ایس او شاہد گجر سوار تھا۔ حادثہ بغیر پھاٹک سڑک کراس کرنے کے دوران پیش آیا۔ حادثہ میں پی ایس او سمیت تین افراد زخمی ہو گئے جنہیں ہسپتال منتقل کر دیا گیا۔ حادثہ کے باعث لیویز پولیس کی گاڑی کو شدید نقصان پہنچا۔ر یلوے حکام نے ٹرین کو ضروری کارروائی کے بعد روانہ کر دیا۔