لاہور(سپورٹس رپورٹر)زلمی فاؤنڈیشن، وفاقی حکومت اور پنجاب حکومت کے اشتراک سے مذہبی ہم آہنگی کے فروع کیلئے چرچز کی ٹیموں کے درمیان ہارمنی کرکٹ لیگ راولپنڈی میں شروع ہوگئی۔سینیٹر انور لال، کارڈینال جوزف کاٹس،بشپ سیمیوئل ازریا، کرسٹوفر شیرف (کنٹری کوآرڈی نیٹر چرچر کرکٹ چیپٹر)، ڈاکٹر سڈرک (چیف انوویشن آفیسر زلمی فاؤنڈیشن) اور جنرل سیکرٹری اوقاف ویلفیئر ایسوسی ایشن میاں عبدالقادر سکندی بھی موجود تھے۔وزیر کھیل پنجاب رائے تیمور بھٹی نے کہا کہ ہارمنی کرکٹ لیگ کے ذریعے مذہبی ہم آہنگی کا پیغام دیا ہے۔ڈاکٹرسڈرک،چیف انوویشن آفیسر زلمی فاؤنڈیشن نے کہا کہ پشاور زلمی اور زلمی فاؤنڈیشن کھیلوں کے فروغ کیلئے کوشاں ہیں کھیلوں کیساتھ صحت، تعلیم اور دیگر شعبوں میں بھی نوجوانوں کو متحرک کررہے ہیں۔