لاہور(نامہ نگار )کنٹونمنٹ بورڈ انتخابات،پیپلز پارٹی وسطی پنجاب نے مزید7کنٹونمنٹس(سرگودھا،اوکاڑہ ،اٹک ،گوجرانوالہ ،سیالکوٹ شورکوٹ،اور مری ہلز) کی انتخابی کمیٹیاں تشکیل دیدیں۔ چیف آرگنائزر راجہ پرویز اشرف کی ہدایت پر ڈپٹی جنرل سیکرٹری عثمان ملک نے نوٹی فیکیشن جاری کر دیا۔سرگودھا کینٹ کی 9رکنی انتخابی کمیٹی کے کنوینئر رائے سرساہی اور ڈپٹی کنوینئر رانا قمراقبال،اوکاڑہ کینٹ کی 8رکنی انتخابی کمیٹی کے کنوینر سجادالحسن ،اٹک کینٹ کی 10 رکنی انتخابی کمیٹی کے کنوینر اظہر حیات خان،گوجرانوالہ کینٹ کی 9 رکنی انتخابی کمیٹی کے کنوینئراعجاز احمد سماں،سیالکوٹ کینٹ کی8 رکنی انتخابی کمیٹی کے کنوینر اظہر ڈیال اور ڈپٹی کنوینئرملک افتخار،شورکوٹ کینٹ کی 6رکنی انتخابی کمیٹی کے کنوینر تنویر موہل اور مری ہلز کنٹونمنٹ بورڈ کی 12 رکنی کمیٹی کے کنوینئر چوہدری ظہیر احمد  ہوں گے۔