گوجرانوالہ(نمائندہ خصوصی)مسلم لیگ ن کی ضلعی جنرل سیکر ٹری شازیہ فرید نے کہا ہے کہ آزاد کشمیر اور سیالکوٹ الیکشن میں خدمت اور سچائی کی فتح ہو گی پی ٹی آئی میں ٹکٹ دینے کا معیار صرف پیسہ ہے سرکاری مشینری جتنا مرضی زور لگائے فتح ن لیگ کی ہی ہوگی اور آزاد کشمیر میں ن لیگ ہی حکومت قائم کرے گی ان خیالات کا اظہار انہوں نے اپو زیشن لیڈر پنجاب اسمبلی میاں حمزہ شہبا زشریف سے لاہور میں ملاقات کے دوران کیا انہوں نے کہا کہ مسلم لیگ ن کی ٹیمیں انتخابی میدان میں انتہائی دلجمعی اور لگن کے ساتھ کام کر رہی ہیں حمزہ شہباز کی سر پر ستی میں عطاللہ تارڑ ، ذیشان رفیق و دیگر رہنما کامیابی کے لئے سخت محنت کر رہے ہیں اور ان کا نچلی سطح پر عوام کے ساتھ بھر پور رابطہ ہے،حکومت کے لاک ڈائون ڈرامے فلاپ، حکومتی پروڈیوسرز اور ڈائریکٹرز ایک بار پھر ناکام ہو ں گے۔