کسووال/چیچہ وطنی (نامہ نگاران)جوان بیٹے  کی موت کی خبر سنتے ہی صدمے سے باپ بھی چل بسا، نواحی گائوں 1/14-L کا رہائشی رانا ابرار جو کہ فیصل آبا د میں ملازمت کرتا تھا گزشتہ روز وہ عید کی چھٹیاں گزارنے گھر آ رہا تھا کہ راستے میں ٹریفک حادثے کا شکار ہو گیا، اس کی موت کی خبر سنتے ہی صدمے سے اسکا والد رانا عبدالستار بھی چل بسا،بیک وقت ایک ہی گھر سے دو جنازے نکلنے پر پورا گائوں اشکبار ہو گیا۔ گاؤں میںہرآنکھ اشکبار ہے،20 سالہ نوجوان ابرار کی 8 دن قبل منگنی ہوئی تھی عید کے بعد اس کی شادی تھی۔