ساہیوال(نمائندہ نوائے وقت)موسم خزاں کی شجرکاری مہم کے سلسلے میں کنعان پارک میں ایک خصوصی تقریب ہوئی جس میں میواکی جنگل لگانے کیلئے لوکاٹ کے 500 پودے لگائے گئے۔ تقریب کا اہتمام پی ایچ اے ساہیوال نے کیا تھا جس میں چیئرمین علی شکور چوہدری‘ شیخ محمد چوہان‘ ڈائریکٹر جنرل پی ایچ اے محبوب احمد اور ڈپٹی ڈائریکٹرز اللہ یار بھٹی اور ڈاکٹر محمد طاہر نے شرکت کی۔ اس موقع پر بتایا گیا کہ فریدیہ پارک کے بعد کنعان پارک میں ساہیوال کا دوسرا میواکی جنگل لگایا جا رہا ہے جہاں لوکاٹ کے 500 پودے لگائے گئے ہیں۔