لاہور(سپورٹس رپورٹر)ٹوکیو اولمپکس میں شریک پاکستانی اتھلیٹس کیلئے قومی کرکٹرز کی جانب سے نیک خواہشات کا اظہار کیا گیا ہے۔آل رائونڈرفہیم اشرف نے کہا کہ  دعا ہے کہ پاکستانی اتھلیٹس ٹوکیو اولمپکس میں اچھا کھیلیں۔ آل راؤنڈر عالیہ ریاض نے ٹوکیو اولمپکس  دستے کیلئے گْڈ لک کہا۔ اوپنر فخر زمان نے کہا کہ اولمپک دستے خاص طور پر ماحور شہزاد اور نجمہ پروین کیلئے کہوں گا کہ وہ اچھی کارکردگی کا مظاہرہ کریں۔فاسٹ بائولر حسن علی نے کہا کہ قومی اتھلیٹس اولمپکس گیمز سے لطف اندوز ہوں اور اچھا کھیل پیش کریں۔ندا ڈار نے کہا کہ ٹوکیو اولمپکس میں شریک پاکستانی دستے کو بیک کر رہی ہوں۔سابق کپتان سرفراز احمد نے کہا کہ میری دعا ہے تمام اتھلیٹس اچھا کھیل پیش کریں، ارشد ندیم، بسمہ خان اور ماحور شہزاد سے امید ہے بہترین پرفارمنس دیں گے۔شاداب خان ‘شاہین شاہ آفریدی اورمحمد حسنین نے تمام پاکستان اتھلیٹس کیلئے نیک خواہشات کا اظہار کرتے ہوئے شاہ حسین شاہ اور طلحہ طالب کیلئے خصوصی دْعائیں کی۔