قصور‘ نوشہرہ ورکاں، گگومنڈی، بورے والا (نامہ نگاران+ نمائندہ نوائے وقت) نوشہرہ ورکاں میں 2 بچوں بورے والا میں 10 سالہ بچے کو زیادتی کا نشانہ بنا دیا گیا۔ گجرات میں بلیک میل کر کے خاتون سے 6 ماہ تک زیادتی کی گئی۔ نوشہرہ ورکاں سے نامہ نگار کے مطابق تھانہ تتلے عالی کے علاقہ مرالی والہ میں آٹھ سالہ بچی کو اوباش سفیان مغل گوشت دینے کا جھانسہ دیکر اپنے گھر لے گیا اور زیادتی کا نشانہ بنا ڈالا۔ علاوہ ازیں موضع اولکھ بھائیکے میں آٹھ سالہ بچہ قریبی دوکان سے بسکٹ لینے گیا تو دوکاندار عبداللہ اسے حویلی لے گیا اور دو ساتھیوں کے ہمراہ زیادتی کانشانہ بنا ڈالا۔ بچے کی حالت غیر ہونے پر ملزم فرار ہوگئے۔ گگومنڈی، بورے والا  سے نامہ نگار، نمائندہ نوائے وقت کے مطابق نواحی گائوں 171ای بی میں اوباش نے دس سالہ بچے کو بد فعلی کا نشانہ بنا ڈالا۔ تفصیل کے مطابق نواحی گائوں 171ای بی کا رہائشی دس سالہ بچہ گھر سے باہر موجود تھا۔ علی اسے سکول میں لے گیا اور زیادتی کا نشانہ بنا ڈالا۔ واقعہ کا مقدمہ درج کر لیا گیا ہے۔ گجرات سے نامہ نگار کے مطابق محلہ اعوان کالونی گجرات کی رہائشی شادی شدہ خاتون کے گھر محلہ کا رہائشی نعمان اعجاز آتا رہتا تھا، جس نے خاتون کے موبائل کا ڈیٹا چوری کر لیا اور ویڈیو اور تصاویر وائرل کرنے کی دھمکیاں دے کر اسے بلیک میل کر کے 6 ماہ تک گن پوائنٹ پر زیادتی کرتا رہا۔ تھانہ شاہین چوک نے متاثرہ خاتون کی رپورٹ پر مقدمہ درج کر لیا ہے۔ قصور سے نمائندہ نوائے وقت کے مطابق پولیس تھانہ گنڈا سنگھ والا میں درخواست میں کہا گیا ہے کہ 7 سالہ بیٹا گھر کے باہر کھیل رہا تھا کہ عرفان اسے ورغلاء کر لے گیا اور زیادتی کا نشانہ بنا ڈالا۔