راجہ جنگ (نامہ نگار) ٹائون کمیٹی راجہ جنگ انتظامیہ کی نااہلی سے راجہ جنگ شہر کچرے کے ڈھیر میں تبدیل ہوگیا ۔چار دن سے شہر میں صفائی کا کام بند ہے عید کے موقع پر جانوروں کی آلائشیں اور صفائی کے لئے لوڈر رکشے کرائے پر لئے گئے لیکن کام صرف فوٹو سیشن میں ہوا۔مین بازار سمیت چوک مچھلی والا ، چوک مہر حلوائی ، گلی مسجد نور ،  چوک ڈاکٹر سلیمی میںکوڑے کے ڈھیر جانوروں کی باقیات ، چارے کے ڈھیر تعفن پھیلا رہے ہیں ۔مسجد جانے والے نمازی ناک منہ ڈھانپ کر گزرنے پر مجبور ہیں۔نکاس آب کے نالے صفائی نہ ہونے سے بھر چکے ہیں ،پانی نالوں کی بجائے گلیوں سے گزر رہا ہے ۔اسسٹنٹ کمشنر قصور کی صفائی نظام کو بہتر کرنے کی یقین دہانی بھی بے سود ثابت ہوئی۔شہریوں نے احتجاج کرتے ہوئے ڈپٹی کمشنر سے راجہ جنگ میں صفائی کی بد ترین صورتحال کا فوری نوٹس لینے کا مطالبہ کیاہے۔