لاہور(سپورٹس ڈیسک )ٹوکیو اولمپکس گیمز کے ویمنز ہاکی ایونٹ میں دفاعی چیمپئن برطانیہ کو جرمنی نے شکست دیدی ۔پول اے کے کھیلے گئے میچ میں برطانوی ٹیم نے سارہ جونز کی بدولت گول کرکے سبقت حاصل کی تاہم جرمن کھلاڑیوں نے بھر پور حملہ کرتے ہوئے مقابلہ ایک ایک گول سے برابر کردیا ۔ جرمن ٹیم اس کے بعد کھیل پر چھائی رہی اور مزید ایک گول کرکے مقابلہ دو ایک سے جیت لیا ۔ برطانوی ٹیم آج جنوبی افریقن ٹیم کا مقابلہ کریگی ۔ دونوں گروپس میں سے ٹاپ چار ٹیمیں ناک آئوٹ مرحلے کیلئے کوالیفائی کرینگی ۔