عیدالاضحیٰ پر بھکر میں بلدیہ نے صفائی کے مثالی انتظامات کئے: نوید خان، ملک محمد سلیم
بھکر(نامہ نگار)ڈپٹی کمشنر سید موسی رضا کے احکامات پر شیخ تنویر احسن انچارج سینی ٹیشن میونسپل کمیٹی بھکر نے امسال عیدالاضحیٰ کے دوران صفائی ستھرائی کے مثالی انتظامات کر کے شہریوں کے دل جیت لئیے۔ جانوروں کی آلائشیں بروقت ٹھکا نے لگانے کے علاوہ شہر بھر کے گلی محلوں خصوصا مساجد کو جانے والے راستوں پر نمازیوں کے لئے چونا لگانے جیسے اقدامات کر کے صفائی ستھرائی کے علاوہ ماحول کو بھی دلکش بنایا گیا۔شہریوں نوید خان، ملک محمد سلیم، محمد شفیق سیال، ملک محمد عمران نے صحافیوں کو بتایا کہ آلائشوں کو نہ صرف بروقت شہریوں کے گھروں کی دہلیز، گلی محلوں سے اٹھایا گیا بلکہ شہر سے دور ویران مقامات پر ٹھکانے لگایا گیا جس کا تمام تر کریڈٹ میونسپل کمیٹی بھکر کے سینی ٹیشن انچارج شیخ تنویر احسن کو جاتا ہے ۔
