لاہور/ قصور (نامہ نگار+ نمائندہ نوائے وقت) بادامی باغ میں دو بچیوں سے زیادتی کی کوشش کے مختلف واقعات کے مقدمات درج کر لئے گئے۔ جمبر خورد کے رہائشی عمران نے پولیس تھانہ صدر پھولنگر میں درخواست دی میرا پندرہ سالہ بیٹا گھر سے دودھ لینے گیا راستے میں ذیشان اور علی  نے بیٹے کو ورغلاء پھسلا کر اپنے ڈرائنگ روم میں لے جاکر اس سے زیادتی کی ہے۔ فیصل آباد‘ دیپالپور سمیت پانچ شہروں میں 2 خواتین، 5 لڑکیوں اور ایک لڑکے کو نشانہ بنایا گیا۔ بادامی باغ کے رہائشی سکیورٹی گارڈ زبیر صدیقی کی 6سالہ بیٹی (ز) گھر سے چیز لینے کے لیے دکان پر گئی۔ آدھا گھنٹہ گزر جانے کے باوجود واپس گھر نہ آئی، تواس کے والدین کو پریشانی لاحق ہوئی۔ جس پر انہوں نے اسے ڈھونڈنا شروع کر دیا۔ اس دوران گلی میں سے بچی (ز) روتی ہوئی ملی۔ بچی نے بتایا کہ اسے سلمان بٹ نامی لڑکا اپنی بیٹھک میں لے گیا۔ پراپرٹی ڈیلر آفتاب کی 7سالہ بیٹی لائبہ آفتاب کو محلے کے 3اوباش لڑکوں نے زیادتی کا نشانہ بنانے کی کوشش کی۔ ہمسائی کے آنے پر برہنہ چھوڑ کر فرار ہو گئے۔ پولیس نے دونوں واقعات کے مقدمات درج کر کے تحقیقات کا آغاز کر دیا ہے۔