نوشہرہ ورکاں+کامونکے+تتلے عالی (نمائندہ نوائے وقت+نامہ نگاران) پولیس حراست سے مفرور ڈاکو مقابلے میں ہلاک ہو گیا۔ تفصیلات کے مطابق کامونکی پولیس چوکی راجہ بھلہ کا انچارج اے ایس آئی عمران ڈکیتی کے ملزم خرم مسیح ولد اقبال مسیح سکنہ شاد باغ لاہور حال مقیم مجوچک کو ریکوری کے لئے لیکر جا رہا تھا کہ تھانہ تتلے عالی کے علاقے مجوجک کے قریب ملزم کے دو موٹر سائیکلوں پر سوار تین ساتھیوں نے فائرنگ کر کے اسے چھڑا لیا اور نوشہرہ ورکاں کی طرف فرار ہو گئے جہاں دویٹہ کھوہ کے قریب ان کا سامنا تھانہ نوشہرہ ورکاں کی پولیس پارٹی سے ہو گیا تو انہوں نے پولیس پر فائرنگ کر دی۔ ملزمان کی فائرنگ سے ان کا اپنا ہی ساتھی خرم مسیح ہلاک ہو گیا۔