اسلام آباد (عترت جعفری) ایف بی آر نے نشاندہی کے بعد پی او ایس نظام سے منسلک نہ ہونے والے 6ہزار 763ریٹیلرز کی فہرست ایف بی آر کی ویب سائٹ پر اپلوڈ کر دی۔ ان میں سی ٹی او اسلام آباد سے 849، سی ٹی او لاہور سے 379، سی ٹی او کراچی سے 281 آر ٹی او اسلام آباد سے 189آر ٹی او لاہور سے2347 ریٹلرز کے نام اور ان کی دوسری معلومات  دی گئی ہیں اور ان پرچون فروشوں سے کہا گیا ہے کہ وہ اپنا نام دیکھ کر ایف بی آر کے سسٹم سے منسلک ہو جائیں، جبکہ باقی ری ٹیلرز کا  تعلق پشاور، سرگودھا، ملتان ، بہاولپور اور ملک کے دوسرے شہروں سے ہے۔ بڑے ریٹیلرز کو خودکار رسید تصدیقی نظام سے منسلک کرنے کے لئے ایف بی آر نے جنرل سیلز ٹیکس آرڈر نمبر 1 جاری کر دیا ہے۔