لاہور(سپورٹس ڈیسک ) ٹوکیو اولمپکس میں کرونا کا وار جاری ہے، میگا ایونٹ میں حصہ لینے والے مزید اتھلیٹ عالمی وبا کا شکار ہوگئے ہیں۔ٹوکیو اولمپکس کھیلوں کے منتظمین کے مطابق یونان کی آرٹسٹک سوئمنگ ٹیم کے ایک اور کھلاڑی کا کرونا ٹیسٹ مثبت آگیا جبکہ ٹیم کے دیگر ارکان وائرس سے متاثر ہوئے ہیں۔مسلسل دوسرے روز ٹوکیو ویلج میں کرونا انفیکشن کی یومیہ تعداد بڑھ کر اکتیس تک جاپہنچی جوکہ ایک ریکارڈ ہے، نئے کیسز رپورٹ ہونے کے بعد ٹوکیو اولمپکس میں کرونا سے متاثرہ اتھلیٹس کی مجموعی تعداد 353تک جاپہنچی ہے۔ کرونا مثبت کھلاڑیوں کو اتھلیٹس ولیج میں قرنطینہ میں رکھا گیا ہے جبکہ دیگر افراد کو مختلف مقامات پر قرنطینہ کیا گیا ہے۔