لاہور(سپورٹس رپورٹر)پرویڈینس اسٹیڈیم میں کھیلے گئے میچ کا پہلا روز بارش سے متاثر ہوا۔بارش کی وجہ سے میچ کے پہلے روز صرف ڈیڑھ سیشن کا کھیل ہی مکمل ہوسکا ۔۔میچ کے پہلے روز محمد رضوان 28 اور فواد عالم 21 رنز بنا کر ناٹ آؤٹ ہوئے ۔محمد عباس نے 3 جبکہ فہیم اشرف نے ایک وکٹ حاصل کیں ۔میچ کے دوسرے روز بھی سینیریو پریکٹس کی گئی۔کپتان بابر اعظم 54 جبکہ فواد عالم اور محمد رضوان 33، 33 رنز بنا کر ریٹائرڈ آؤٹ ہوئے۔فہیم اشرف، حارث رؤف اور محمد عباس نے 2,2 وکٹیں حاصل کیں۔قومی ٹیسٹ سکواڈ آج گیانا سے جمیکا روانہ ہوگا۔پاکستان اور ویسٹ انڈیز کے مابین سیریز کے دونوں ٹیسٹ میچز جمیکا میں کھیلے جائیں گے۔سیریز کا پہلا ٹیسٹ میچ 12 اگست سے شروع ہوگا۔