گو جرانوالہ(نمائندہ خصوصی)گوجرانوالہ چیمبرآف کامرس اینڈ انڈسٹری کے نائب صدرشیخ قیصر امین جموں والے کی وفد کے ہمراہ جی ایم سوئی گیس کبیر خان سے ملاقات کی۔وفد میں رکن مجلس عاملہ میاں ندیم،عمران ڈار چیئرمین سٹینڈنگ کمیٹی برائے فانڈر ی،رکن چیمبر قاسم مغل شامل تھے۔وفد کی قیادت کرتے ہوئے شیخ قیصر امین جموں والے نے جی ایم سوئی گیس کی توجہ شیخوپورہ روڈ سمیت شہر کے مختلف حصوں میں کم پریشر کی طرف توجہ مبذول دلاتے ہوئے کہا کہ گوجرانوالہ میں بہت ساری صنعتیں گیس کے کم پریشر کی وجہ سے مسائل سے شکار ہیں۔لہذاانڈسٹری کے کم پریشر کو فوری طور پر پورا کیا جائے۔جی ایم سوئی گیس کبیر خان نے گوجرانوالہ چیمبر کے وفد کوبتایا کہ شہر کے مختلف حصوں میں تنصیبات کا کام ہو رہا ہے جس کی وجہ سے گیس کے پریشر میں کمی ہے لیکن پریشر کی کمی عارضی ہے بہت جلد انڈسٹری کی اس شکایت کو دور کیا جائے گا۔تنصیبات کی نگرانی میں خود کر رہا ہوں۔