لاہور(سپورٹس رپورٹر) کراچی میں ڈی جی رینجرز سندھ آزادی سائیکل ریس کا انعقاد کیا گیا جو سٹار گیٹ سے شروع ہو کر سپرہائی وے پر اختتام پذیر ہوئی، ریس کے اختتام پر جیتنے والوں میں انعامات تقسیم کیے گئے۔ لڑکیوں میں پہلی پوزیشن سمیرا، دوسری حمیرا اور تیسری طیبہ جبکہ لڑکوں میں پہلی حشر دوسری عرفان جبکہ تیسری پوزیشن شعیب احمد نے حاصل کی، مقابلے میں کامیاب سائیکلسٹ میں انعامات تقسیم کئے گئے۔شرکاء کا کہنا تھا کہ جشن آزادی کے موقع پر اس طرح کی تقریبات اور مقابلے صحتمندانہ اور خوشحال پاکستان کی علامت ہیں۔