دینہ (نامہ نگار) دینہ کے نواحی علاقہ میں پاک آرمی کا تربیتی مشاق طیارہ گر گیا۔  حادثہ میں دونوں پائلٹ محفوظ رہے۔ تفصیلات کے مطابق گزشتہ روز دینہ کے نواحی علاقہ چھمالہ کے مقام پر منگلا ائیر پورٹ سے اُڑان بھرنے والا مشاق طیارہ دوران ٹریننگ تکنیکی خرابی کے باعث کھیتوں میں جا گرا۔ حادثے کی اطلاع ملتے ہی پاک آرمی سمیت دیگر امدادی ٹیمیں موقع پر پہنچ گئیں اہل علاقہ کے لوگ بھی موقع پر پہنچ گئے ۔