لاہور(سپورٹس رپورٹر) ماڑی پیٹرولیم آزادی ہاکی کپ میں نیشنل بینک کی ٹیم نے سیمی فائنل کیلئے کوالیفائی کرلیا تاہم پنجاب ٹیم ایونٹ سے باہر ہوگئی۔ نیشنل بینک نے پنجاب کو 2-6 گول سے شکست دیدی،نیشنل بینک کی جانب سے شان ارشاد 2 گول، ابوبکر طارق، ابوذر جونیئر، موحمد نوید اور محمد عتیق نے گول کئے،پنجاب کی جانب سے زین اعجاز اور ارسل نے گول کئے،مین آف دی میچ شان ارشاد (نیشنل بینک ) قرار پائے۔ٹورنامنٹ کے سیمی فائنلز آج راولپنڈی میں کھیلے جائیںگے۔ فائنل 15 اگست کو کھیلا جائیگا۔