لاہور(سپورٹس ڈیسک ) آسٹریلوی کرکٹ بورڈ نے آئی پی ایل کیلئے افغانستان کے خلاف ون ڈے سیریز کو ملتوی کر دیا‘ذرائع نے دعویٰ کیا ہے کہ سیریز آئی پی ایل کی وجہ سے ہی ملتوی کی گئی ہے ۔ دونوں ٹیموں کے درمیان سیریز بھارت میں شیڈول تھی ۔ تین میچوں کی سیریز ٹی ٹونٹی ورلڈ کپ سے قبل کھیلی جانا تھی ۔ آئی پی ایل کرونا وائرس کی وجہ سے متحدہ عرب امارات منتقل کر دی گئی ہے ۔ دونوں کرکٹ بورڈزنے باہمی رضا مندی سے سیریز کو ملتوی کرنے کا فیصلہ کیا ہے ۔ کہا گیا ہے کہ کرونا وائرس کی وجہ سے مشکلات کا سامناہے ‘قرنطینہ کا عرصہ اور دیگر مسائل کی وجہ سے سیریز ممکن نہیں ۔ کوشش کی جائے گی آسٹریلیا ‘افغانستان اور ویسٹ انڈیز کے درمیان سہ ملکی ٹی ٹونٹی سیریز متحدہ عرب امارات میں کرائی جائے ۔ امارات میں آئی پی ایل کے میچز ہونے کی وجہ سے سیریز کا شیڈول بنانا مشکل ہے ۔