فیروز والا، قصور، چیچہ وطنی (نامہ نگاران + نمائندہ نوائے وقت) چیچہ وطنی کے نواحی گائوں 57/12-L کے رہائشی  شوکت بھٹی کے نہم جماعت کے طالب علم 16 سالہ بیٹے زین نے گھریلو جھگڑے سے دلبرداشتہ ہو کر زہریلی گولیاں کھا لیں۔ جس سے اس کی حالت غیر ہو گئی اور وہ ہسپتال کے راستے میں دم توڑ گیا۔ فیروز والا سے نامہ نگار کے مطابق ظفر پارک کے محنت کش کی بیوی جمیلہ بی بی کا اپنے شوہر سے گھریلو حالات کی وجہ سے شوہر کے ساتھ لڑائی جھگڑا تھا جس پر دلبرداشتہ ہو کر خاتون نے زہریلی گولیاں کھا لیں اور دم توڑ گئی۔ خاتون تین بچوں کی ماں بتائی گئی ہے۔ پولیس نے واقعہ کی رپورٹ درج کر لی۔ قصور سے نمائندہ نوائے وقت کے مطابق محلہ اسلام پورہ کے علاقے میں گھریلو ناچاقی پر بیس، بائیس سالہ عمران ریاض نے گندم میں رکھنے والی زہریلی گولیاں کھا کر خودکشی کر لی۔ پولیس تھانہ سٹی پھولنگر مصروف کارروائی ہے۔