قلعہ دیدار سنگھ: ڈمپر نے موٹرسائیکل سوار خاتون سمیت 2 افراد کو کچل ڈالا
قلعہ دیدار سنگھ(نامہ نگار) قلعہ دیدار سنگھ مین حافظ آباد روڈ اگو چک نہر کے قریب تیز رفتار ڈمپر نے گوجرانوالہ کی جانب سے آنیوالے موٹر سائیکل سواروں کو کچل دیا۔جس کے نتیجہ میں موٹر سائیکل سوار مرد اور معمر خاتون موقع پر ہی جاں بحق ہوگئے ۔جاں بحق ہونیوالوں کی شناخت نہ ہوسکی۔ پٹرولنگ اور مقامی پولیس ٹیمیں موقع پر پہنچ گئیں ۔جنہوں نے ڈرائیور کو گرفتار کرکے ڈمپر کو حراست میں لے لیا۔ریسکیو 1122 نے نعشیں ہسپتال منتقل کردیں ہیں۔
