لاہور (خصوصی نامہ نگار)نائب امیر جماعت اسلامی راشد نسیم نے کہا ہے کہ افغانستان میں اسلامی قوتوں کی فتح حالیہ تاریخ کا ایسا واقعہ ہے جس کی مثال نہیں ملتی۔ افغانستان میں طالبان نے 20سالہ جدوجہد کے بعد فتح حاصل کی۔ طالبان کا کابل میں داخلہ قابل دیدنی تھا،نہ کسی خاتون کی طرف آنکھ اٹھا کر دیکھا گیا، نہ کوئی شیشہ ٹوٹا اور نہ کوئی دکان لٹی،بلاشبہ ایسی پرامن فتح امت مسلمہ کے لیے قابل فخر واقعہ ہے۔اس واقعہ نے تاریخ کا رخ موڑ دیا ہے اب تاریخ ایسے نہیں چلے گی۔