گوجرانوالہ(نمائندہ خصوصی)نالہ پلکھو کے قریب ڈاکو ناکہ،ڈاکوؤں نے چار گاڑیوں اور ایک موٹر سائیکل سوار کو لوٹ لیا،موٹر سائیکل سوار کو مزاحمت پر زخمی حالت میں سڑک کنارے پھینک کر ڈاکو کر فرار۔اندرون جی ٹی روڈ پل پلکھو کے قریب چھ مسلح ڈاکوؤں نے ناکہ لگاکر اسلحہ کی نوک پر سیالکوٹ کے امجد کی فیملی سے25ہزار،سمبڑیال کے عمران حسن اور جمشید بٹ کی فیملیوں سے60ہزارروپے اوروزیرآباد محلہ جناح کالونی کے رہائشی موٹر سائیکل سوارمحمد تنویر کو روک کر 14ہزار روپے لوٹ لئے۔دوران تلاشی تنویر نے مزاحمت کی جس پر ڈاکوؤں نے تشدد کا نشانہ بناکر کھائی میں پھینک کر فرار ہوگئے۔ڈکیتی کی وارداتوں کی اطلاع پولیس کو کر دی گئی تاحال ڈاکوؤں کی گرفتاری عمل میں نہ آسکی ہے۔عوامی سماجی شہری حلقوں نے اعلیٰ پولیس حکام سے جی ٹی روڈ پر چوری ڈکیتی کی وارداتوں کی روک تھام کے لئے پولیس موبائل گشت کو موثر بنانے کا مطالبہ کیا ہے۔