آزادی کپ ٹین پن بائولنگ چیمپئن شپ 25 اگست سے شروع ہو گی
لاہور (سپورٹس رپورٹر) پاکستان ٹین پن بائولنگ فیڈریشن کے زیر اہتمام آزادی ٹین پن بائولنگ چیمپئن شپ 25 اگست سے راولپنڈی میں شروع ہوگی۔ پاکستان ٹین پن بائولنگ فیڈریشن کے صدر اعجاز الرحمن نے بتایا ٹورنامنٹ میں ملک بھر سے مرد اور خواتین کھلاڑی حصہ لے رہے ہیں، ٹورنامنٹ میں نو مختلف کیٹگریز کے مقابلے رکھے گئے ہیں۔ جن میں مینز سنگلز ، مینزڈبلز، لیڈیز سنگلز، ایمچور، ڈیف، ٹیم ایونٹ،انٹر یونیورسٹی، انٹر سکول اورمیڈیا کیٹگریز کے مقابلے شامل ہیں، ٹورنامنٹ کے سیمی فائنل مقابلے 29 اگست کو جبکہ فائنل مقابلے 30 اگست کو کھیلے جائیں گے، ٹورنامنٹ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔
