لاہور ( سپورٹس رپورٹر)افغانستان کی حالیہ صورتحال کے پیش نظر نیوز ی لینڈ کے کرکٹرز کی جانب سے دورہ پاکستان پر تحفظات ظاہر کیئے جانے سے متعلق افواہیں سر گرم تھیں جس پر پاکستان کرکٹ بورڈ نے میدان میں آتے ہوئے ان تردید کر دی ہے۔ پاکستان کرکٹ بورڈ کی جانب سے جاری کر دہ بیان میں کہا گیاہے کہ نیوزی لینڈ نے سیریز ملتوی ہونے سے متعلق رابطہ نہیں کیا ، پاک نیوزی لینڈ سیریز شیڈول کے مطابق ہی ہو گی ، نیوزی لینڈ کے کرکٹرز نے بھی سکیورٹی کے حوالے سے کوئی بات نہیں کی ہے ، پاک نیوزی لینڈ سیریز پانچ ون ڈے اور تین ٹی ٹونٹی میچز پر مشتمل ہے۔کیوی ٹیم پیر کو آکلینڈ سے روانہ ہونے کے بعد بنگلادیش پہنچ رہی ہے جہاں سیریز مکمل ہونے کے بعد اسے پاکستان کا رخ کرنا ہوگا۔