اسوہء حسینی پر عمل پیرا ہو کر ہی سر بلند ہوا جاسکتا ہے: طاہر رضا بخاری
لاہور (خصوصی نامہ نگار)ڈائریکٹر جنرل اوقاف پنجاب ڈاکٹر طاہرر ضا بخاری نے داتا دربار میں "حضرت امام حسین کانفرنس" سے خطاب کرتے ہوئے کہا کہ اسوہء حسینی پر عمل پیرا ہو کر ہی سر بلند ہوا جاسکتا ہے۔ دین کی بقا اور انسانی اقدار کے تحفظ کے لیے امام علی مقام کی لازوال قربانیاں، رہتی دنیا تک مینارہ نور کی حیثیت رکھتی ہیں۔ آپ نے دین اسلام کے تحفظ اور بقا کی خاطر میدان کربلا میں جو عظیم الشان قربانی پیش کیں، تاریخ عالم اس کی مثال پیش کرنے سے قاصر ہے۔ معرکہ حق و باطل میں آپ نے جو جرات مندانہ کردار پیش کیا، اوّلین و آخرین میں اس کی نظیر نہیں ملتی۔ کانفرنس میں منیجر داتا دربار شیخ محمد جمیل، نور محمد جرال، ملک عبد الوحید سمیت دیگر شخصیات نے شرکت کی۔
