فیروز والا: گٹر میں گیس سے ہلاک مسیح بھائیوںکی مالی امداد،ورثاء کیلئے ملازمت
فیروز والہ (نامہ نگار) تھانہ فیروزوالا کے علاقہ ونڈالہ دیال شاہ میں گٹر کی صفائی کے دوران زہریلی گیس کی وجہ سے دم گھٹنے سے ہلاک ہونیوالے دو بھائیوں ریاض مسیح اور فیاض مسیح کی مالی امداد کر دی گئی ۔ ڈی ایس پی سرکل فیروزوالا عمران عباس چدھڑنے سکندرآباد فیروزوالا میںجا کر ہلاک ہونے والوں کے گھر جاکر ہمدردی کا اظہار کیا اور ان کو مکمل تعاون کا یقین دلایا۔ بلدیہ کے ٹھیکیدار اور کارپوریشن فیروزوالا کے افسران سے بات چیت کرکے دونوں بھائیوں کے ورثا کو ڈیڑھ، ڈیڑھ لاکھ روپے کی بطور امداد دی گئی۔ دونوں بھائیوں کے ورثا کے سے ہمدردی کرتے ہوئے ان کے بھائی اور متوفی کی بیوی کو بلدیہ فیروزوالا میں ملازمت دلادی۔
