کوٹ رادھا کشن (نمائندہ خصوصی+نمائندہ نوائے وقت) غیرت کے نام پر 18 سالہ نوجوان قتل، ملزم گرفتار جبکہ پولیس نے مقدمہ درج کر لیا۔ تفصیلات کے مطابق نواحی گاؤں رکھ بت میں تقریبا چھ ماہ قبل فریاد نامی نوجوان کی 13 سالہ بہن نازیہ کے ساتھ اسی گاؤں کے رہائشی ساجد جٹ نامی نوجوان نے زبردستی زیادتی کی تھی اورلڑکی کے شور کی وجہ سے لوگوں کے آجانے پر ملزم ساجد جٹ اسلحہ لہراتے فرار ہو گیا جس کی ایف آئی آر تھانہ میں درج ہوئی اور ملزم گرفتاری کے بعد ضمانت پر رہا ہو کر گاؤں واپس آ گیا اور اکثر و پیشتر نازیہ بی بی کے گھر کے سامنے کھڑا ہونے لگا گزشتہ روز بھی ملزم گھر کے باہر کھڑا ہوا تھا کہ نازیہ بی بی کے بھائی فریاد نے منع کیا اور غیرت پر فائرنگ کر کے ملزم کو ہلاک کر دیا۔ پولیس نے قاتل کو گرفتار کر لیا اورمقدمہ درج کر کے نعش پوسٹ مارٹم کے لیے قصور روانہ کر دی ہے۔