لاہور(سپورٹس رپورٹر)پاکستان کی ٹینس سٹار ہانیہ منہاس نے قازغستا ن میںہونے والے ایشین ٹینس چیمپئن شپ گریڈ اے ٹورنامنٹ میںسلور میڈل جیت لیا ۔انہوںنے محض10برس کی عمر میں بین الاقوامی سطح کے انڈر14ٹورنامنٹ میںمقابلہ کرکے ایک بار پھر یہ ثابت کردیا کہ کچھ بھی نا ممکن نہیںہے ۔ہانیہ کی کامیابی میںبرڈفاؤنڈیشن اور ڈیسکون کا مکمل تعاون حاصل رہا۔BARDفاؤنڈیشن کے بورڈ رکن فیصل داؤد نے کہا کہ ہانیہ ملک کو قابل فخر بنارہی ہے ۔BARD اور ڈیسکون کو ہانیہ کی کامیابیوں پر فخر ہے۔آئندہ بھی مکمل معاونت کیلئے پر عزم ہیں ۔ہانیہ نے سپورٹ اور حوصلہ افزائی پر شکریہ ادا کرتے ہوئے کہا کہ وہ اپنے مقصد کو حاصل کرنے کیلئے توجہ مرکوز کرتے ہوئے مستقبل قریب میںبین الاقوامی چیمپئن شپ جیت کراپنے ملک اور سپانسر ز کو ان کا صلہ لوٹانے میںکوئی کسر نہیں چھوڑیں گی۔