اسلام آباد (نمائندہ خصوصی)پاکستان پیپلزپارٹی پارلیمنٹرینز کے صدر زرداری اوربلاول بھٹو زرداری سے سابق وزیراعظم راجہ پرویز اشرف نے ملاقات کی۔ ملکی سیاسی صورت حال پر تبادلہ خیال ہوا۔ راجہ پرویز اشرف نے پی پی پی قیادت کو پنجاب سے پارٹی میں شمولیت کے خواہاں افراد کے معاملے سے آگاہ کیا۔ پنجاب میں پی پی پی کی تنظیمی صورت حال پر بھی بات چیت ہوئی۔ بلاول نے کہا کہ پاکستان پیپلز پارٹی کی ہوا چل پڑی ہے۔ اگلا انتخاب جیالے جیتیں گے۔  ملک بھر سے مختلف پارٹیوں کے سیاسی رہنما ہمارے رابطے میں ہیں، عمران خان عوام کے سامنے بے نقاب ہو چکے۔