خواتین سے چھیڑ چھاڑ‘ چڑیا گھر سے 2 افراد‘ شیراکوٹ میں ملزم فرار کرانے پر بس ڈرائیور گرفتار
لاہور (نامہ نگار) چڑیا گھر میں خواتین کے ساتھ چھیڑ خانی منچلوں کو مہنگی پڑ گئی۔ سول لائنز پولیس نے واقعہ میں ملوث 2 ملزموں سیف علی اور محمد ذیشان کو گرفتار کر لیا۔ دریں اثناء شیرا کوٹ پولیس نے ٹوبہ ٹیک سنگھ سے لاہور آنیوالی بس میں مسافر خواتین کے سامنے نازیبا حرکات کرنے والے 2 افراد کے خلاف مقدمہ درج کرلیا ہے جبکہ ان اوباش افراد کو فرار کرانے والا بس ڈرائیور نوید کو گرفتار کرلیا گیا ہے۔ خاتون نے دونوں افراد کی نازیبا حرکات کرنے کی موبائل سے ویڈیو بھی بنا لی تھی۔
