اسلام آباد (نوائے وقت رپورٹ+خبر نگار خصوصی) وزیر مملکت اطلاعات و نشریات فرح حبیب نے ٹویٹ کیا ہے کہ روشن سندھ کے نام پر کرپشن‘ اومنی گروپ‘ جعلی اکاؤنٹس پیپلز پارٹی کی پہچان بن گئے۔ پانی کی غیرمنصفانہ تقسیم‘ 500 نیب زدہ افسران کو نوازنا پیپلز پارٹی کی پہچان ہے۔ ٹینکرز اور لینڈ مافیا سب پیپلز پارٹی حکومت کی پہچان ہیں۔ سندھ میں 13 سال سے پیپلز پارٹی کی حکومت اندھیر نگری چوپٹ راج ہے۔ بارش آئے کراچی ڈوب جاتا ہے۔ نالوں کی صفائی وفاق کو کرنا پڑتی ہے۔ بلاول بھٹو اور سندھ حکومت کرپشن کے ورلڈ ریکارڈ بنا رہے ہیں۔ شاید یہی وجہ ہے کہ کراچی والوں نے ان کو مسترد کیا۔ٹیکسٹائل کی برآمدات میں سترہ فیصد اضافہ ہوا،ن لیگ کی غلط پالیسیوں کے باعث ٹیکسٹائل انڈسٹری کو تالے لگے تھے۔