اسلام آباد (نوائے وقت رپورٹ)  سید علی گیلانی کے انتقال پر وزیراعظم عمران خان نے ایک روزہ سرکاری سوگ منانے کا اعلان کیا ہے۔  سید علی گیلانی کی وفات پر آج قومی پرچم سرنگوں رہے گا۔  وزیراعظم نے سید علی گیلانی کے انتقال پر گہرے دکھ اور افسوس کا اظہار کرتے ہوئے کہا ہے کہ سید علی گیلانی نے پوری زندگی کشمیریوں کے حقوق  کیلئے جدوجہد کی۔ سید علی گیلانی کی جدوجہد اور عظمت کو سلام پیش کرتے ہیں۔ صدر مملکت  ڈاکٹر عارف علوی نے کہا ہے کہ سید علی گیلانی کے انتقال سے کشمیر عظیم رہنما سے محروم ہو گیا۔ وزیراعظم نے کہا کہ ہم سید علی گیلانی کے الفاظ یاد کرا رہے ہیں۔ ’’ہم پاکستانی ہیں، پاکستان ہمارا ہے‘‘۔