جوہی (این این آئی) گورکھ ہل سٹیشن سڑک کھاوڑ پہاڑ کے علاقے کے قریب سیاحوں کی گاڑی کھائی میں گرنے سے5 افراد جاں بحق ہوگئے۔کراچی سے 450 کلومیٹر کے فاصلے پر واقع گورکھ ہل سٹیشن سڑک کھاوڑ پہاڑ کے علاقے کے قریب سیاحوں کی گاڑی الٹنے سے5 افراد جاں بحق ہوگئے۔ مقامی افراد کے مطابق گاڑی پہاڑی سے کھائی میں گری اور ریسکیو کی ٹیم کو شدید مشکلات کا سامنا ہے، جس کے باعث نعشیں 3 گھنٹے گزرنے کے  بعد بھی نہیں نکالی جاسکیں۔ مقامی ذرائع نے بتایاکہ سیاحوں کی گاڑی کو حادثہ سڑک خراب ہونے اور تیز رفتاری کے باعث پیش آیا، ویگو گاڑی پر 5 افراد سوار تھے، اور کسی کے بچنے کی امید نہیں ہے، خراب راستوں اور گہری کھائی ہونے کے باعث نعشوں کو تاحال نہیں نکالا جاسکا، سڑک خراب ہونے کے باعث آئے روز حادثات پیش آتے ہیں۔