شیخوپورہ(نمائندہ خصوصی)پاکستان مسلم لیگ (ن) یوتھ ونگ کے صوبائی جنرل سیکرٹری شیخ راحیل اصغر سے ضلعی نائب صدر میاںآصف شاہین، رانا خلیل گادھی ودیگرکی ملاقات ، اس موقع پر ضلع شیخوپورہ کی سیاسی صورتحال،تنظیمی امور اور ضلع بھر میں حکومتی کارکردگی اورمسلم لیگ (ن) کے بڑھتے ہوئے گراف پر تفصیلی گفتگو کی گئی۔ ملاقات کے بعد صحافیوں سے گفتگو کرتے ہوئے میاں آصف شاہین اور راناخلیل احمد گادھی نے کہاکہ مسلم لیگ (ن) نے ہمیشہ نوجوانوں کی سیاسی تربیت کرکے ان کو معاشرے کا مفید اور کار آمد شہری بنانے کیلئے اقدامات کئے ہیں مگر تحریک انصاف نے نوجوانوں کو گالم گلوچ، جھوٹ ،فریب کی سیاسی تربیت کرکے سیاسی رموز کو ختم کرنے کی کوشش کی ہے ضلع شیخوپورہ میں یوتھ ونگ مسلم لیگ (ن) کا ہر اول دستہ کا کردارادا کررہی ہے اور میاں نواز شریف ،میاں شہباز شریف کے بیانہ کو گھر گھر پہنچانے کیلئے عملی اقدامات اٹھارہی ہے۔