سا حر شمشاد راولپنڈی، چراغ حیدر کور کمانڈر ملتان ، اظہر عباس چیف آف جنرل سٹاف تعینات
اسلام آباد (خبرنگار خصوصی) چیف آف آرمی سٹاف جنرل قمر جاوید باجوہ نے پاک فوج میں اعلی افسروں کے تبادلے کر دیئے۔ پاک فوج کے شعبہ تعلقات عامہ کے ادارے (آئی ایس پی آر) کے مطابق چیف آف جنرل سٹاف لیفٹیننٹ جنرل ساحر شمشاد مرزا کو کورکمانڈر راولپنڈی تعینات کر دیا گیا۔ لیفٹیننٹ جنرل محمد چراغ حیدر کورکمانڈر ملتان ہوں گے۔ کور کمانڈر راولپنڈی لیفٹیننٹ جنرل اظہرعباس کو چیف آف جنرل سٹاف تعینات کیا گیا ہے۔ لیفٹیننٹ جنرل محمد وسیم اشرف کو ڈائریکٹر جنرل جوائنٹ سٹاف ہیڈکوارٹرز لگا دیا گیا۔
