لاہور(سپورٹس رپورٹر) آئی سی سی ون ڈے رینکنگ میں بابراعظم کی پہلی جبکہ ٹی ٹونٹی میں دوسری اور ٹیسٹ میں ساتویں پوزیشن برقرار ہے۔ٹیسٹ رینکنگ میں انگلش کپتان جو روٹ پہلے، کیوی کپتان کین ولیمسن دوسرے ‘سٹیون سمتھ تیسرے‘ مارنس لبوشنکے، روہت شرما، ویرات کوہلی، بابراعظم، ڈیوڈ وارنر، ڈی کاک اور ہنری نکولس چوتھی سے دسویں پوزیشن پر ہیں۔بائولرز میں آسٹریلیا کے پیٹ کمنز پہلے‘ پاکستان کے شاہین آفریدی آٹھویں پوزیشن پر  ہیں۔ روی چندر ایشون، ٹم ساوتھی، جوش ہیزلے ووڈ، نیل ویگنار، کاگیسو ربادا، جیمز اینڈرسن، جسپرت بمرا اور جیسن ہولڈر موجود ہیں۔ ون ڈے رینکنگ میں بابراعظم کی حکمرانی برقرار  اور بھارتی ویرات کوہلی دوسری پوزیشن پر ہیں ۔ روہت شرما، روس ٹیلر، ایرون فنچ، جونی بریسٹو، ڈیوڈ وارنر، شائے ہوپ، کین ولیمسن اور ڈی کاک تیسری سے دسویں نمبر پر ہیں۔ٹی ٹونٹی میں ڈیوڈ ملان پہلے جبکہ بابراعظم دوسرے نمبر پر ہیں۔ ایرون فنچ، ڈیون کونوے، ویرات کوہلی، لوکیش راہل، محمد رضوان، ایون لیوس، راسی وینڈر ڈاسن اور مارٹن گپٹل ٹاپ ٹین میں موجود ہیں۔