شیر خوار بچی سمیت3گمشدہ افراد ورثاء کے سپرد
لاہور(نامہ نگار)انویسٹی گیشن پولیس نے شیر خوار بچی سمیت3گمشدہ افراد کو تلاش کرکے ورثاء کے سپرد کر دیاہے۔ تفصیلات کے مطابق انویسٹی گیشن کاہنہ پولیس نے کارروائی کرتے ہوئے 9ماہ کی معصوم بچی کو تلاش کرکے ورثاء کے سپرد کر دیا ہے۔ بچی کی والدہ نے اپنے سابق شوہر کو مقدمہ میں پھنسانے کے لیے اس کے اغواء کا ڈرامہ رچایا تھا۔انویسٹی گیشن سبزہ زار پولیس ٹیم نے فاروق احمد کو تلاش کیا ہے۔ گمشدہ فاروق احمد گھریلو ناراضی کی وجہ سے گھر سے چلا گیا تھا۔ اسی طرح انویسٹی گیشن فیصل ٹاؤن پولیس نے گمشدہ عاصم اور علی کو تلاش کیا ہے۔ دونوں گمشدہ کزن گھر والوں بتائے بغیر پنجاب سوسائٹی چلے گئے تھے۔
