لاہور(نامہ نگار)شیراکوٹ کے علاقے میں بابو صابو کے قریب بند روڈ پر تیز رفتار ٹرالر نے سڑک عبور کرتے شہری کو کچل کر ہلاک کردیا ہے ۔ تفصیلات کے مطابق شیراکوٹ کے علاقے بابو صابو کے قریب تیز رفتار ٹرالر نے سڑک عبور کرتے ہوئے 30 سالہ خلیل احمد کو کچل ڈالا، جس سے خلیل احمدموقع پر ہی جاں بحق ہو گیا۔ متوفی خلیل احمد چونیاں کا رہائشی تھا۔ حادثے کے بعد ٹرالر ڈرائیور موقع سے فرار ہوگیا۔ پولیس نے  نعش پوسٹ مارٹم کیلئے مردہ خانہ منتقل کرکے سی سی ٹی وی کیمروں کی مدد سے فرارہونے والے ڈرائیور کی تلاش شروع کر دی ہے۔