لاہور(سپورٹس ڈیسک )ارجنٹائن کے سٹار فٹبالر لیونل میسی نے ایک اور اعزاز اپنے نام کر لیا، ورلڈ کپ کوالیفائر میچ میں بولیویا کے خلاف شاندار ہیٹ ٹرک کر لی، بطور سائوتھ امریکن انٹرنیشنل میچز میں 79 گول کیساتھ لیجنڈ فٹبالر پیلے سے آگے نکل گئے۔فیفا ورلڈ کپ کوالیفائر میں ارجنٹائن نے بولیویا کو تین صفر سے شکست دی، سٹار کھلاڑی لیونل میسی نے شاندارہیٹ ٹرک کی۔میسی 79 گول کے ساتھ سائوتھ امریکن ٹاپ انٹرنیشنل گول سکورر بن گئے، میسی نے 14 ویں منٹ میں گول کر کے برازیلین لیجنڈ کے 77 گول کا ریکارڈ برابر کیا۔اس کے بعد 64 ویں منٹ میں دوسرا گول کر کے پیلے کو پیچھے چھوڑ دیا اور کھیل کے آخری لمحات میں گول کر کے ساتویں انٹرنیشنل ہیٹ ٹرک مکمل کی۔کرونا وائرس کی وباء کے بعد شائقین کو سٹیڈیم میں دیکھ کر میسی آبدیدہ ہو گئے۔ایک اور میچ میں برازیل نے پیرو کو دو صفر سے شکست دی، ایورٹن اور نیمار نے گول سکور کئے۔