لاہور(سپورٹس رپورٹر ) سجال کے صدر اور سینئر سپورٹس جرنلسٹ عقیل احمد کی والدہ انتقال کر گئیں مرحومہ کو نماز جنازہ کے بعد مقامی قبرستان میں سپرد خاک کر دیا گیا۔ مرحومہ گذشتہ کچھ عرصے سے گردوں کے عارضہ میں مبتلا تھیں۔ مرحومہ کے ایصال ثواب کیلئے لیے قرآن خوانی  آج بروز ہفتہ جامع مسجد محمدیہ سوڈیوال میں بعد نماز ظہر ادا کی جائیگی۔ سجال کے صدر عقیل احمد کی والدہ کے انتقال پر صوبائی وزیر کھیل پنجاب، پاکستان اولمپک ایسوسی ایشن، پاکستان کرکٹ بورڈ، پاکستان ہاکی فیڈریشن، سپورٹس بورڈ پنجاب سمیت ملک بھر کی کھیلوں کی تنظیموں نے گہرے دکھ اور افسوس کا اظہار کرتے ہوئے مرحومہ کے بلند درجات اور لواحقین کو یہ صدمہ برداشت کرنے کی توفیق عطا فرمائے کی دعا کی۔