یمن میںحوثی باغیوںکا مخا کی بندرگاہ پر میزائلوں سے حملہ
صنعاء (این این آئی)یمن میںحوثی ملیشیا نے مخا کی بندرگاہ پرمیزائلوں سے حملہ کیا ہے۔جنگ سے تباہ حال یمن میں اسی بندرگاہ کے ذریعے بیرونی دنیا سے امدادی سامان پہنچتا ہے۔میڈیارپورٹس کے مطابق ایک سرکاری فوجی عہدہ دار نے بتایا کہ باب المندب کے نزدیک واقع مخا کی بندرگاہ کو تین میزائلوں اور ڈرونز سے نشانہ بنایا ۔اطلاعات کے مطابق مخا کی بندرگاہ پر حوثیوں کی گولہ باری سے امدادی تنظیموں، تاجروں اور درآمد کنندگان کے گوداموں کو شدید نقصان پہنچا ۔یمن کے مغربی ساحل پر سرگرم مشترکہ فورسز نے کہا کہ حوثیوں کی جانب سے مخا کی تجارتی بندرگاہ پر گولہ باری سے بندرگاہ کو بھی نقصان پہنچا لیکن کوئی جانی نقصان نہیں ہوا۔حوثی ملیشیا نے تجارتی بندرگاہ کو چارمیزائلوں اور تین ڈرونوں سے نشانہ بنایا ۔مشترکہ فورسز نے یہ بھی بتایا کہ مخا کی تجارتی بندرگاہ کی حدود میں حوثی ملیشیا کے دو ہیلی کاپٹروں کو مار گرایا گیا ہے۔
