سرگودھا (نمائندہ خصوصی) سرگودھا کنٹونمنٹ بورڈ کے انتخابات میں سرکاری عمارت نہ ہونے کے باعث مردوخواتین کا مشترکہ پولنگ سٹیشن قبرستان میں کیمپ لگا کر کھلے آسمان تلے بنایا گیا۔ ذرائع کے مطابق وارڈ نمبر 9 کے علاقہ باجوہ کالونی میں مردوخواتین کا مشترکہ پولنگ سٹیشن نمبر 10 قبرستان میں قائم کیا گیا جہاں ووٹران مقررہ راستوں کے علاوہ قبریں عبور کر کے اپنا حق رائے دہی استعمال کرنے میں مصروف نظر آئے۔ جہاں قریب سرکاری عمارت نہ ہونے اور جنازگاہ کے زیر تعمیر ہونے پر قبروں اور جنازگاہ کے درمیان راستہ پر کیمپ لگا کر پولنگ سٹیشن پر انتخابی عمل کو مکمل کیا گیا۔ جہاں ایک طرف خواتین اور دوسرے طرف مردوں کے لئے پولنگ بوتھ قائم تھے۔