لاہور(سپورٹس ڈیسک )سری لنکا کے سابق کپتان و مایہ ناز فاسٹ بائولر لاستھ ملنگا نے تمام طرز کی کرکٹ سے ریٹائرمنٹ کا اعلان کر دیا۔ 38 سالہ بولر نے 30 ٹیسٹ میچوں میں سری لنکا کی نمائندگی کی۔ اور 33.45 کی اوسط سے 101 وکٹیں حاصل کیں۔ون ڈے انٹرنیشنل کرکٹ میں ملنگا نے 226 میچز کھیلے اور 28 کی اوسط سے 338 کھلاڑیوں کو آؤٹ کیا۔ ان کی بائولنگ بھارت کیخلاف تھی جس میں انہوں نے 38 رنز دے کر چھ کھلاڑیوں کو آؤٹ کیا۔مختصر طرز کی کرکٹ کے ماہر مانے جانیوالے لاستھ ملنگا نے 84 میچز کھیلے اور 107 وکٹیں حاصل کیں۔